Steg 1
Du grip inn!
Alle tilsette i barnehagen har ansvar for å gripe inn når dei ser eller får beskjed om at det skjer åtferd som kan vere krenkande. Det skal handterast her og no av den som observerer/får beskjed. Ha fokus på å stoppe åtferda og formidle alternative handlingsstrategiar.
NB! Sikre at barnet er trygt og ikkje blir utsett for nye krenkingar medan du varslar pedleiar og styrar.
Steg 2
Du varslar pedagogisk leiar og styrar
Du skal varsle snarast. Saman legg de plan for strakstiltak for å sikre trygt og godt barnehagemiljø i påvente av vidare utgreiing. Dette inkluderer samtale med dei involverte barna, med mål om å starte prosessen med å gjenopprette tillit/at den vaksne passer på.
Steg 3
Samtale med alle involverte barn og deira føresette
Barnehagen skal utføre samtale med både involverte barn og deira føresette. Fokus på at det er situasjonar/kultur som mogleggjer krenking, ikkje eigenskapar ved barnet. De må her sørgje for samtykke frå føresette for å opprette stafettlogg.
Steg 4
Opprett stafettlogg på alle involverte barn
Bruk stafettloggen til å dokumentere alle møte med foreldre.
- Oppretting av stafettlogg (skjema)
Steg 5
Start undersøking
Kartlegg barna i ulike samspelssituasjonar. Fleire vaksne bør gjere observasjonar. Observasjon av barnet sin kontekst skal inkluderast. Få fram barnet si stemme.
Steg 6
Har barnet det trygt og godt?
Gjennomfør ei evaluering i samarbeid med føresette.
Mål: Felles oppfatting av om barnet har det trygt og godt. Kva er deira oppleving av situasjonen? Kva tenker dei om funn/resultat?Skriftleggjer vurderinga og konklusjonen.